Оваа пролет нека биде софистицирана, винтиџ и опуштена со лелеави фармерки или панталони.
Од појавата на „ѕвонарките“ во 60-тите години на минатиот век, прославените панталони еволуирале со генерациските трендови, за да бидат сакани од многу жени дури и денес.
Она што го носеа рок-sвездите, денес го носат најпознатите „it“ девојки. Поддржани од Сони Бон и Шер, овие панталони се олицетворение на диско-културата и го симболизираат ослободувањето во мода. Овие културни и музички икони им го отворија патот на главните дизајнери да го повторат овој смел стил.
Денес, панталоните со широки ногавици сè уште се тесно поврзани со културата на рок-sвездите, но исто така се вклопуваат и во секојдневниот живот. Додека Мајли Сајрус и Хари Стајлс изведуваат хит-песни во различни варијации на овие модели, ѕвездите на уличен стил (street style) презентираат различни опции со микро и макро ѕвонарки.
Од јога панталони до винтиџ тексас, „ѕвонарките“ можат да го трансформираат секој стил. Многу жени се плашат да носат панталони со ѕвонасти ногавици, бидејќи сметаат дека нивната силуета ќе изгледа голема, но во реалноста, овој тренд е прилично лесен за носење во секоја пригода и одговара на секоја фигура.
Пронајдете ги заборавените „ѕвонарки“ во плакарот, а инспирацијата за стајлинг побарајте ја подолу.
