Од финост до екстраваганција: Највпечатливи фустани на неповторливиот Ралф Лорен

Легендарниот американски дизајнер Ралф Лорен ќе го дизајнира костумот на Џо Бајден за церемонијата на инаугурацијата, а неговата кариера долга повеќе од половина век е обележана со незаборавни фустани што ги носеле славните дами на црвениот тепих. Го паметиме и како човекот кој ја облече Меланија Трамп за инаугурацијата на нејзиниот сопруг Доналд Трамп.

Тогаш многу дизајнери ја одбија едногласно новата прва дама, но Ралф Лорен со задоволство ја прифати работата, облекувајќи ја Меланија Трамп во бебешки син фустан и јакна изработена од најфиниот кашмир.

Иако никогаш не зазеде страна кога станува збор за политиката, Ралф Лорен, исто така, стана главен дизајнер на Хилари Клинтон во текот на целата претседателска кампања.

Тој беше омилен дизајнер и на други први дами од спротивставени политички страни и исто така ги облече Мишел Обама, Ненси Реган и Бети Форд. Лорен смета дека облеката на првите дами на САД е чест и одговорност.

Една од најпознатите креации на црвениот тепих на Ралф Лорен е секако розовата тоалета што ја носеше Гвинет Палтроу на Оскарите во 1999 година, кога актерката исто така освои златна статуетка за нејзината улога во филмот „Вљубениот Шекспир“.