Ако сè уште се прашувате во кој фустан да инвестирате прв оваа сезона, одговорот е едноставен: кожа.
Кожата (воопшто) е апсолутен тренд на сезоната есен/зима 2020/21 и вреди да се инвестира во кожни парчиња: од палта и панталони до здолништа, па дури и одела. Кожниот фустан доаѓа и со благослов и на дизајнерите и на славните дами кои со своите примери ни дадоа прилично инспиративни и исклучително елегантни предлози.
Кожниот фустан не е мек како волната, но има сензуална привлечност и рокенрол карактер што го прави идеален за есенските денови, додека совршено ја нагласува вашата независност и динамика.
Макси и миди кожените фустани се најдобриот избор за оваа година, како и фустаните во форма на кошула – во која било нијанса – и не двоумете се да ги носите под кожни розови палта, бидејќи тоталниот изглед на кожата е многу пожелен оваа есен и зима.
Одбравме за вас неодоливи предлози од пистата, совршени примери на улични стилови како и фустани на кои треба да обрнете внимание.
