Во придружба на сопругот Кит Урбан, актерката Никол Кидман во понеделникот вечерта пристигна во добро расположение на премиера на историскиот филм The Northman, во кој глуми и таа.
Додека нејзиниот сопруг за оваа пригода избра класичен црн костум со вратоврска, оскаровката зачекори на црвениот тепих во креација создадена да привлече погледи.
Таа на премиерата пристигна во долг фустан во боја на лимета кој ја следи линијата на телото, украсен со светкави детали на долниот дел и розови пердуви на рамената. Станува збор за креација на модната куќа Prada, која актерката ја спои со накит Orlov.
Храбриот фустан го надополни со сребрена чанта и црни сандали на високи потпетици додека ја крена косата во елегантна пунџа со неколку лабави прамени.
Пред премиерата, актерката на Инстаграм изјави дека со нетрпение очекува повторно да се сретне со колегите актери и тимот што работеше на филмот за принцот Викинг кој го игра Александар Скарсгард. Тој во едно претходно интервју изјави дека нема подобра филмска партнерка од Никол Кидман.
Под објавата имаше комплименти за изгледот на актерката, како и за изборот на фустан.
„Каков одличен фустан“, „Ти си единственото човечко суштество на кое таа боја изгледа убаво“, „Спектакуларно“ и „Носиш најуникатна облека“ се само мал дел од пофалбите.
