Дали принцезата Кејт Мидлтон го прекрши протоколот?
Членовите на кралското семејство присуствуваа на велигденската богослужба во капелата Свети Ѓорѓи во замокот Виндзор. Речиси целото внимание го привлече принцезата Кејт Мидлтон.
Кејт донесе празнична елеганција со фустан во боја на сафир, кој максимално ја истакна нејзината виткост и префинетост.
За сончевиот, празничен ден, принцезата избра фустан од дизајнерката Кетрин Вокер, а нејзините локни ги надополни шеширот „Lock & Co“. Неутрална шминка, светло розе руменило и бронзена сенка за очи беа доволни за да се истакне природната убавина на Кејт Мидлтон.
Празничниот изглед на принцезата го комплетираше гламурозниот накит – обетки од сафир и бисер и иконскиот веренички прстен од дијамант и сафир, кој претходно и припаѓаше на принцезата Дијана.Сепак, еден детаљ го привлече вниманието на јавноста – црвениот маникир.
Според кралскиот бонтон, вештачките нокти или нокти со светли бои наводно не се соодветни за јавни настапи, пишува „Hellomagazine.com“. Ова беше особено изненадувачки бидејќи Кејт Мидлтон е позната по тоа што е исклучително строга со протоколот.
На принцезата Кејт и се придружија нејзиниот сопруг принцот Вилијам и нивните три деца, принцот Џорџ (9), принцезата Шарлот (7) и малиот принц Луис (4). Без исклучок, сите беа свечено облечени, како што доликува на празникот, а принцезата Шарлот посебно го следеше аутфитот на мајка си со бојата на нејзиниот фустан.
