Иако трендот на спортска облека, т.н. athleisure убедливо е број еден последните неколку години, се до пред една година никој не можеше да предвиди дека нашите тренерки и влечки ќе бидат наша работна униформа. Годината што стои зад нас, и очигледно оваа во која штотуку зачекоривме, ќе ја одбележат удобна облека, пред се тренерки.
Веројатно досега имате доволно тренерки, но со оглед на околностите, нема да ги соблечеме некое време. Ако ништо друго, барем можеме да се обидеме да се договориме барем за пристоен стајлинг со тренерки во главната улога, во кој нема да се срамиме да прошетаме или да скокнеме во шопинг.
„Секој што носи тренерка нема контрола над својот живот“, рече легендарниот дизајнер Карл Лагерфелд пред многу години. Тренерките беа моден грев за него, но денес живееме во сосема различни времиња каде што едноставно удобноста е во прашање. Судејќи според стајлинзите во 2020 година, но и на почетокот на 2021 година, ние целосно изгубивме контрола над нашите животи. На секој агол на Инстаграм, но и на улиците, гледаме стилови во кои доминираат тренерки, дури и меѓу најпознатите инфлуенсери.
Во моментов, најпопуларни меѓу трендсетерките се тренерки во црна, сива и кремаста нијанса, но и модел на tie-dye што не ја губи популарноста. Како што се приближуваат потоплите и сончеви денови, се наметнуваат пастелни тонови, нежни зеленикави, јоргован и жолти нијанси. Уште хит модели се тренерки со малку baggy ногавици и затегнато дно. Но, се појавуваат и нови кроеви, а особено ни се допадна моделот на Гап со малку пошироки ногавици, рамен крој и должина на глуждот, идеален за потоплите денови.
Бидејќи ниските температури сè уште преовладуваат, во моментов најпосакуван стил е: тренерки, гломазни патики и бели тениски чорапи. Но, во оваа комбинација можете да додадете и доза елеганција, како што се јакни, топли меки или волнени палта, што ќе додаде барем минимална доза на софистицираност. Ќе ви помогнат и модните додатоци, како добра чанта и накит.
И што да се избегне? Најчестите грешки при стилизирање на тренерки, за среќа, лесно може да се избегнат.
Не се потрудивте за остатокот од стајлингот: Носењето тренерки на јавно место не значи дека не треба да се грижите за остатокот од изгледот. Затоа, кога ќе скокнете во нив, средете ја фризурата и ставете малку коректор и руменило, па целокупниот впечаток ќе биде сосема поинаков. Исто така запомнете дека има тренерки што ги носите низ куќата додека готвите и чистите и такви кои се погодни за одење – нема дамки и дупки.
Заборавивте на модните додатоци: Тренерките имаат потреба од елегантни парчиња за да можеме да ја наречеме таа комбинација. Носете ги со шик обетки, ѓердани и прстени, а ефективната чанта дефинитивно ќе го подигне секој изглед.
Ги носите со чизми: Тесните, високи чизми во никој случај не се добар избор за тренерки. Најдобро изгледаат со патики, а во лето со влечки, особено омилените Биркенсток или Адилет, а со паметен стајлинг можат да изгледаат одлично и со сандали.
