Соработката помеѓу познатата италијанска куќа Гучи и познатиот германски бренд Adidas започна пред неколку месеци, а наскоро ќе пристигне нова колекција која го спојува најдоброто од двата бренда и зрачи со духот на спортскиот шик од 1970-тите…
Италијанската луксузна модна куќа Gucci ќе ја лансира линијата Adidas x Gucci на 7 јуни, продолжувајќи ги парчињата претставени на ревијата во февруари. За разлика од предметите претставени на пистата, новата колекција е инспирирана од винтиџ спортска облека носена за тенис или голф во 1970-тите, и има впечатливи дезени кои го поврзуваат симболот на Adidas со три листови со графиката на Gucci и динамична рапсодија на бои.
Креативниот директор на Gucci, Алесандро Микеле, си поигра со машките и женските линии надополнувајќи ги со ретро шмек и смели бои карактеристични за двата бренда.
Колекцијата изобилува со модни додатоци како чанта за голф со лого, шарени чадори, свилени марами, ретро накит и капи. Adidas x Gucci ќе се продава во продавниците за луксуз и е-трговија Gucci, како и во апликацијата Adidas Confirmed.
