Во Мајами, Флорида, се одржа светската премиера на филмот „Магичен Мајк: Последниот танц“. Во тој град, познат по забавите и незаборавните ноќи, се одвива дејството на филмот, во кој заедно со Ченинг Тејтум ја гледаме Салма Хајек во улогата на богаташката Максандра Мендоза, со која Мајк бега во Лондон надевајќи се дека тоа е последна авантура.
Максандра му дава на Мајк понуда што не може да ја одбие, со некоја задна намера, и кога Мајк ќе го открие нејзиниот план, тој треба да се запраша дали тој и новите жешки танчери што ќе треба да ги оформи можат да го направат невозможното?
Звучи како возбудлив заплет за „Magic Mike: The Last Dance“, кој го враќа згодниот Ченинг Тејтум како Волшебниот Мајк. А Салма Хаек изгледаше магично на светската премиера на филмот во Мајами, облечена во предизвикувачки мрежест фустан на модната куќа Gucci.
Црниот фустан со макси должина е украсен со голем цветен вез, а под него јасно се гледаа црни градник и гаќички.
Бомбастичното издание актерката го комплетираше со златни сандали со платформа и дебела потпетица и чанта во зелена боја од брендот Bottega Veneta.
Гламурозниот стајлинг на Салма Хајек за премиерата беше дополнително подигнат со неколку впечатливи парчиња накит.
