Ви недостигаат патувањата за време на скијачката сезона и „апрес-ски“ стил на живот? Монклер ги претставува првите мириси кои директно се поврзуваат со снежна алпска авантура.
Два прекрасни EDP парфеми заедно со своите иновативни мали шишиња ве транспортираат директно во универзумот Монклер.
Синоним за планинското наследство на брендот, креациите ја рефлектираат синергијата помеѓу природата, истражувањето и откривањето и нудат вистинска експедиција за сетилата. Moncler Pour Homme, дрвна ароматична мешавина проткаена со ексклузивен акорд на алпско зелено, ја прикажува живописната убавина на планинската шума. Посипан со свежа жалфија, топло кедрово дрво и чаден ветивер, овој возбудлив мирис нуди сетилно бегство низ пространството на боровите Алпи со само неколку прскања.
Moncler Pour Femme е дизајниран да ја евоцира убавината на свежо паднатиот снег. Цветен дрвенести мошусен мирис, содржи ноти на италијански бергамот, ванила, арапски јасмин, хелиотроп, килибар, кедар и сандалово дрво.
Исто така, нема да сакате да ги пропуштите футуристичките шишиња кои содржат мириси. Сензорните аспекти на овој пар нови мириси се прошируваат и на ребрестиот дизајн на шишињата; брендот го нарекува „borraccia“ (италијански термин за шише) што е шармантен и утилитарен знак на Монклер од планинарско потекло и зашиената конструкција на неговите препознатливи јакни.
Шишињата од 150 ml доаѓаат и со уредни детали, LED екран на полнење со црвени букви што можете да ги приспособите со вашето име, специјална порака или што и да одберете преку апликацијата за паметен телефон.
