Иако го прескокна позирањето на црвениот тепих на овогодинешните Греми награди, латино дивата блесна на сцената на доделувањето, подарувајќи му златна статуетка грамофон на Хари Стајлс.
Пред повеќе од две децении, Џенифер Лопез влезе во модната историја на Греми со иконскиот фустан на Versace.На новото, 65-то доделување на Греми наградите, деколтето повторно беше клучен детал од нејзиниот стајлинг.
Во улога на водителка, Лопез се искачи на сцената за да му ја врачи наградата во категоријата најдобар поп вокален албум на годината на нејзиниот британски колега Хари Стајлс. Таа во оваа прилика блесна во гламурозна, полноќна сина креација со потпис на модната куќа Gucci и нејзиниот поранешен дизајнер Алесандро Микеле.
Модниот максимализам, како што верно го пропагираше Микеле за време на владеењето во Gucci,не и е туѓ на 53-годишната Лопез, како што докажа со ова издание.
Фустанот на Микеле за Gucci,со детал од раскошни украси и блескави реси кои го красеа секој дел од оваа креација, меѓу другото беше нагласен со неколку скапи, „змиски“ ланчиња од брендот Bvlgari.
