По шестмесечно доцнење поради пандемијата на коронавирусот, Њујоршкиот Metropolitan Museum отвори изложба под наслов „About Time: Fashion and Duration“, која ја раскажува историјата и развојот на модата во изминатите 150 години.
Изложбата ја прикажува еволуцијата на модата од 1870 година до денес преку временска рамка претставена од парчиња облека што станале икони, со што се обезбедува увид во тоа како модата се менувала со текот на времето.
Со изложување на повеќе од 33.000 облеки и модни додатоци од најпознатите дизајнери како Жан Пол Готје, Вивиен Вествуд, Кристијан Диор, Карл Лагерфелд и Дона Каран, авторите на изложбата постигнаа дијалог помеѓу минатото и сегашноста.
Изложбата ќе биде отворена до 7 февруари 2021 година, во согласност со хигиенските и заштитните мерки.
