Пред еден месец на социјалните мрежи одекна веста за наводното раскинување на најконтроверзната холивудска двојка – актерката Меган Фокс и раперот Машин Кели. Иако свршената двојка ги негираше обвинувањата за прељуба и отиде на терапија за парови, се чини дека во нивната врска сепак не им цветаат рози. Згора на тоа! Хероината од филмот „Телото на Џенифер“ на забавата по Оскарите организирана од магазинот Vanity Fair отишла без партнер, го извадила вереничкиот прстен, а ја покажала новата боја на коса…
За многу жени, промената на фризурата претставува отфрлање на старата енергија и симболизира вртење на нова страница, а холивудската убавица Меган Фокс многу добро го знае тоа.
Откако љубовта со раперот Машин Кели беше ставена на тест, 36-годишната актерка минатиот викенд реши да се забавува без својот вереник и гордо му покажа на светот дека повеќе не е црна.
Холивудската убавица Меган Фокс е позната како црнка во поголемиот дел од својата кариера, но одвреме-навреме знае да си игра со перики, па јавноста имаше можност да ја види како русокоса.
На најочекуваната забава на годината, онаа што ја организираше магазинот Vanity Fair по Оскарите, како црвенокоса пристигна ѕвездата на филмот „Трансформери“.
Своите препознатливи црни локни ги обои во заводливи, бакарно-портокалови тонови, малку ги скрати врвовите и ја обликуваше косата во елегантни полубранови кои и го врамуваат лицето.
Она што на многумина им падна во очи е фактот што таа го изостави смарагд и дијамантски веренички прстен со кој раперот ја запроси во јануари минатата година.
Пред холивудската забава, актерката и позираше на популарниот фотограф Сибел Леви, кој го овековечи нејзиниот гламурозен стајлинг и трансформација. Во краткото видео таа му ги откри деталите за нејзиниот изглед инспириран од грчката митологија, кој вклучуваше црн фустан од Miss Sohee и многу блескав накит од брендот Mouawad.
Да потсетиме, врската со четири години помладиот рапер Меган Фокс ја започна пролетта 2020 година по разводот со актерот Брајан Остин Грин, кој јавноста најмногу го памети по улогата во серијата „Беверли Хилс, 90210′. Во десетгодишен брак Меган и Брајан станаа родители на два сина и една ќерка, а се веруваше дека нова љубовна среќа нашла кај американски рапер.
Во средината на февруари оваа година, актерката ги избриша сите фотографии со четири години помладиот музичар, а откако почнаа да се појавуваат прашања за раскинувањето на веридбата, ѕвездата на филмот „Трансформери“ сподели криптична објава, а потоа целосно исчезна од социјалните мрежи.
