Чантата Hermès Birkin е предмет на желба на многу жени ширум светот. Легендарната чанта го добила името по британската манекенка, актерка и пејачка Џејн Биркин, која почина на 16 јули на 77-годишна возраст. Во чест на Џејн потсетивме на десет детали за иконската чанта кои можеби не сте ги знаеле.
- За да се направи една чанта потребни се 48 часа работа.Birkin чантите се изработуваат рачно во специјализираните работилници на Hermès, а секоја чанта ја изработува еден занаетчија. Со оваа стапка, тој може да направи околу една чанта неделно.
- Се претпоставува дека во светот има околу 200.000 примероци од легендарната чанта. Hermès повеќе не прима посебни нарачки, па клиентите треба да чекаат нивниот омилен модел да се појави во саканата боја во продавницата.
- Само малкумина можат да си дозволат Birkin чанта бидејќи просечна цена им е од 10.000 до 17.000 евра.
Најскапиот модел изработен од крокодилска кожа и украси со злато и дијаманти е продаден на аукција во Хонг Конг за неверојатни 380.000 долари.
- Легендата вели дека чантата била создадена откако директорот на Hermes ја запознал Џејн Биркин во авион во 1981 година, чии лични работи и испаднале од чантата. Таа потоа му признала дека и треба практична торба со многу простор. Останатото, велат, е историја.
- Џејн Биркин носеше еден модел на чанта многу долг период.До 72-годишна возраст наводно имала само пет чанти од овој иконски бренд.
- Истражувањата покажаа дека купувањето на редок Birkin е подобра инвестиција од инвестирањето во злато или акции на берзата. Нивната вредност е зголемена за 500 отсто во последните 35 години.
- Birkin ја доживеаја својата глобална популарност во деведесеттите години на минатиот век. Гласините велат дека Викторија Бекам купила поголем дел од нејзината колекција во тоа време, која наводно вклучува 100 парчиња од оваа чанта.
- Да се носи Birkin чанта на рака не е лесна задача. Поради висококвалитетните материјали и рачно изработената изработка, оваа чанта може да тежи до два килограми кога е празна.
- Hermes дава имиња според должината и материјалот на чантата. Името Hermès 25 Birkin Bag Togo значи чанта долга 25 сантиметри изработена од кожа од Того. Брендот користи различни типови на кожа како што се епсом, клемен и шевр.
- Birkin чантата може да се изнајми. За ова задоволство на веб-страницата Bag Borrow or steal, треба да издвоите 275 американски долари или приближно 245 евра неделно.
