Ако Jesus Shoes чевлите од бруклинскиот бренд MSCHF ве оставија без зборови, веруваме дека нивните најнови сандали „Birkenstock“ ќе ве расплачат…
Со цени што се движат помеѓу 34.000 и 76.000 американски долари, овие сандали може да се прогласат за едни од најскапите во целиот свет, а настанати се со уништување на чантите на Hermes Birkin во вредност од 122.500 американски долари. Сандалите, иако се убави, ќе ве расплачат поради нивната цена, но и поради фактот што гумениот плутен ѓон на моделот Birkenstock е поврзан со кожен горен дел од совршено дизајнирани и намерно исечени беспрекорни Hermes Birkin чанти.
Исто така, мора да знаете дека нивната цена не ја вклучува вредноста на ѓонот, копчето и самиот процес на производство. Папучите изработени од уништените Hermes чанти доаѓаат во црвена, бела и бургундска боја, а цената на секој дизајн варира од користениот модел – поточно руиниран – до нивното производство.
Брендот продолжува со својата злоба со копирање на иконичниот портокалов знак или пакување на Hermes и како што е наведено на нивната веб-страница: „Кога брендовите соработуваат, тие ги испреплетуваат своите филозофии, дела и акценти. Логото се менува тука, боите на брендот таму. На крајот, што останува од почетниот производ? Оваа приказна со Birkenstock, сепак, не е соработка, повеќе би можеле да ја наречеме транспродукција “.
