Кралицата Ранија минатата недела ја прослави свршувачката на својот најстар син Хусеин. Церемонијата на свршувачката се одржа во куќата на идната невеста Раџва Ал-Саиф.
Не мислев дека е можно да има толкава радост во моето срце. Му честитам на мојот најстар син, принцот Хусеин и неговата прекрасна идна невеста, изјави гордата мама.
За оваа специјална пригода, кралицата носела црн миди фустан со долги ракави кои беа затегнати околу зглобовите и украсени со светкави копчиња.
Фустанот има и подигната јака, додека на предната страна има сребрени цветови од кристали кои едноставниот црн фустан го издигнуваат на повисоко ниво.
Фустанот, кралицата го комбинирала со металик сребрени салонки, а на рамо носела чанта во иста боја. Од накит носела прстени и висечки обетки, а точка на „елегантност“ било волешбното издание на нејзината коса обликувана во бранови.
Иако многумина би избрале посветли бои за оваа и слични пригоди, кралицата Ранија уште еднаш докажа дека и црната може да биде хит за вакви прослави, особено ако е разбиена со интересни детали кои ја прават екстра моќен избор.
