Ким Кардашијан отсекогаш била добра во изборот на импресивна облека.
Овој пат на својот Инстаграм ѕвездата го сподели стајлингот што го одбра за да го прослави Божиќ. Станува збор за необичен изглед на италијанскиот бренд Schiaparelli– фустан кој се состои од темно зелен корсет, кој имитира „коцки на стомакот“ и светло зелено свилено здолниште.
„Конечно добив стомачни мускули… lol“, се пошегува Ким Кардашијан во описот на фотографијата на Инстаграм и го означи својот фитнес тренер. Ким го надополни зелениот стајлинг со големи обетки кои личат на украси од новогодишна елка, на кои се лизгаат златни змии.
Кога станува збор за обувки, таа избрала проѕирни чевли кои наликуваат на кристалните чевли на Пепелашка.
Семејството Кардашијан-Џенер одлучиле оваа година да не одржи традиционална Божиќна забава. Наместо тоа, тие го прославија Божиќ со своето семејство – и се собрале на фамилијарна посета на Кортни Кардашијан.
