Класичен волнен капут, со двојни копчиња, кој достигнува до глуждот е идеално есенско парче за студени денови, а боите се привлечни, како што е силната црвена или помирната бургундска боја.
Војвотката од Кембриџ, Кејт Мидлтон пак по примерот на кралицата, деновиве беше фотографирана во јавноста во макси капут од кашмир во впечатлива црвена боја, од британската луксузнаа модна куќа Александар Меквин, што наиде на позитивни коментари кај модната стручна јавност.
Од една страна затоа што ги поддржува британските брендови, а од друга затоа што направила добар моден избор оценет како храбар и тренди.
Кејт Мидлтон има одлични капути и ја радува својата верна публика со стил секоја есен, не само со кроевите, туку и со боите.
Обично избира класични, волнени парчиња, единечни или со двојни копчиња, а овие денови нејзин омилен крој е црвениот макси капут, кој совршено ја нагласува висината на фигурата.
