Војвотката и војводата од Кембриџ отпатуваа во округот Дурам на северот на Англија. Тие посетија една од локалните фарми и таму разговарале со земјоделците за да откријат како влијае пандемијата врз нивниот бизнис.
Потоа ја обиколиле целата фарма, погледнале како изгледа начинот за грижа на животните, испробале разни алатки за обработка на земја, па дури и мало управување на трактор.
Со оглед на тоа што оваа кралска обврска им налагаше да останат на отворено и да се дружат со животните, војвотката, како што се очекуваше, носеше многу лежерна комбинација соодветна на ситуацијата.
Таа комбинирала темни фармерки со џемпер Fair Isle под кој носела бела кошула. Спортската јакна на данскиот бренд Seeland е ново парче во нејзината гардероба, а од обувките ги одбрала своите (пра)стари и омилени.
Познавачите на стилот на војвотката многу добро знаат дека таа одамна е верна на чизмите на дизајнерката Пенелопе Чилверс, кои ги има во својата гардероба од 2004 година. Секој модел на овие кожни чизми е направен рачно, а според дизајнерот тие стануваат поубави со возраста.
