Карди Б ја познава модата исто како и музиката. Таа има за цел да го пренесе тоа знаење на нејзината ќерка Калчер Киара, уште пред да наполни 10 …
Раперката и нејзиниот сопруг Офсет го направија роденденот на нивната петгодишна ќерка екстра посебен подарувајќи и розова чанта Hermes Birkin од 20.000 долари. И Карди Б повторно предизвика бран коментари на интернет, кога на својата тригодишна ќерка и подари Hermes Birkin од 48.000 долари. Во тоа време, многумина ја осудија и сметаа дека е арогантно да се трошат пари на скапи чанти кои не им се потребни на децата.
30-годишната мајка родена во Бронкс сподели слика од нејзината убава балерина со скапа розова чанта. „Моето бебе има пет години… Среќен роденден на мојата прекрасна принцеза. „Убаво е да се гледа како моето девојче расте, но малку ме растажува што моето девојче повеќе не е мое мало бебе“, напишала Карди на слатката фотографија.
Карди Б е голем обожавател на брендот Hermes.Раперката во својот гардеробер има огромна колекција на чанти Hermes Birkin. До 2021 година, таа поседуваше 26 модели на Birkin, но ние сме прилично сигурни дека до сега додала уште неколку и нејзината колекција сега е уште пораскошна.
Коментарите на интернет и овој пат се поделени, но на Карди Б не и е грижа и прави се за нејзината принцеза да има се што ќе посака.
