Спортската облека првично беше наменета за спорт. Патики за спорт на трева, џемпери за веслачи и голфери, шорцеви и поло маици за тенисери, јога хеланки… Но, со текот на времето (не им требаше долго!) oние кои ја носеа станаа свесни колку е поудобно од вообичаеното и поформалното облека и почнаа да ја носат во други прилики: предавања на универзитети, дружење со пријателите…, а потоа овие удобни алишта влегоа во сите сфери на животот и го добија името – athleisure. Новокомпонираната именка преведена од англиски означува облека за спорт и релаксација и денес може да се види насекаде.
Хеланки, спортски блузи, дуксери и патики од сите облици и бои најмалку од се друго годинава виделе спортски сали и терени. Додека траекторијата за добар дел од годината беше ограничена на кревет – софа – работна маса, најважен критериум за идеална облека е удобноста. Но, тоа не значи дека треба да се задоволиме со растегливи панталони за тренерки и испрана спознорска маичка. Славните и инфлуенсерите ни покажуваат како да носиме најудобна облека и да изгледаме кул.
