Ништо не го издигнува изгледот како аутфит во црно oд глава до пета – особено кога станува збор за парчиња облека од кожа, кои Ирина Шајк многу добро ги знае. Овој викенд таа го прослави својот 36-ти роденден, канализирајќи ја внатрешната естетика на еден суперхерој од популарната научно-фантастична сага „Матрикс“.
Прекрасна комбинација на макси кожен капут преку црно здолниште и кожени црни панталони, кои ги споила со очила за сонце во Ray-Ban стил и мокасини Burberry, исто така направени од кожа. Во овој совршен монохроматски изглед таа е видена на улиците на Њујорк на денот на нејзиниот роденден, во друштво на нејзината 4-годишна ќерка Ли. По стилскиот пример на мама, слатката ќеркичка на Ирина носела мини капут Burberry, носејќи балони во рацете.
Долгите кожени палта се тренд кој му одолева на времето кога се во прашање ѕвездите од А-листата. Освен Ирина, често можеме да видиме и други познати личности во вакво парче, а омилена е и Ким Кардашијан, но и новиот избор на Канје Вест, актерката Џулија Фокс.
Колку е моќен овој стајлинг погледнете сами во нашата галерија.
