Нашироко е познато дека сестрите Олсен не се двоумат во својот секојдневен аутфит да вметнат и по некое парче винтиџ облека.
Иако нивниот стил се смени многу од нивните тинејџерски актерски денови, креативните директори и сопственици на модната куќа The Row ја пронајдоа својата препознатлива естетика во поедноставена палета на бои во која доминираат црна, бела, камила и сива боја. Неизбежно е и двете да бидат секогаш на списоците на најдобро облечени јавни личности, но се поставува прашањето кој од нив треба да се издвои како вистински стилист.
Ако нас не прашате – границата е тенка. Еден ден поентира Ешли, а другиот ден Мери-Кејт. Третата е нивната неодамна популарна сестра Елизабет, која ја игра главната улога во најновата серија на Марвел, WandaVision.
Сите се сеќаваме на Met Gala наградите од 2019 година, кога близначките се појавија во винитџ кожни креации на Chanel, за кои медиумите пишуваа со денови. И не можеме да не го поставиме прашањето дали на овој начин тие двете само што започнаа „лавина“ од винтиџ облека и им објавија војна на fast fashion брендовите.
Мора да признаеме дека постои мал судир на интереси, имајќи предвид дека тие сè уште имаат ready-to-wear бренд, но начинот на кој пристапуваат е многу различен од другите куќи. The Row не форсира рекламни кампањи, не повикува на константен шопинг и не ѕвони на сите огласи како другите. Суштината на нивниот дизајн е едноставноста, и тие се парчиња што можеме да ги носиме одново и одново, од година во година.
Како скапоценет камен на кралска круна, возејќи велосипед, облечена во винтиџ парче облека, таа неодамна се најде во првите редови на фотографиите на Мери-Кејт во палтото Chanel кое го носела пред 12 години. Со оглед на видот на изјави и вести што славните ни служат со децении, мора да признаете дека е скандалозно да се појавувате двапати во исто парче во јавноста. Но, Мери-Кејт не обрна внимание на тоа.
Пред неколку дена се појавија папарацо фотографии пред студиото во Њујорк каде Мери-Кејт повторно го носи истиот капут од 2008 година, а за тоа им спуштаме капа и едвај чекаме да видиме уште едно парче облека од гардероберот на славните сестри, што на старата облека им дадоа нов живот.
All, hail queen Mary-Kate!
