Актерката Џулија Робертс уште еднаш покажа зошто важи за една од најубавите и најстилски жени во светот.
Џулија Робертс со години покажува склоност кон костуми, а може да се каже дека овој бран започна на доделувањето на наградите Златен глобус во 1990 година, кога научи модна лекција појавувајќи се во сив костим на Giorgio Аrmani.
Освен одела, актерката сака и пруги, а кога тие двe комбинации ќе се спојат, целиот свет застанува и сите погледи се вперени во неа.
Така беше неодамна во Њујорк во Линколн центарот кога ги воодушеви сите присутни со својот моден избор.
Имено, Џулија Робертс за оваа пригода одлучи да облече капут „оверсајз“ со жолти и сини пруги.
Одоздола носеше комплет составен од мини здолниште со пруги, сако и вратоврска.
Оваа комбинација малку ја „смирила“ со бела кошула, црни чорапи и едноставни сиви чевли.
Со оглед на беспрекорната комбинација, актерката се одлучи за благо брановидна пуштена коса, незабележлива шминка и секако, насмевка од милион долари.
