За снимањето на рекламата за новиот парфем Prada, познатата актерка ја скрати косата на кратка пикси фризура како онаа што ја носеше по снимањето на филмовите за Хари Потер.
Британската актерка Ема Вотсон, најпозната по улогата на Хермиона Гренџер во франшизата за Хари Потер, е новата муза на италијанскиот бренд Prada Beauty. За потребите на снимањето, таа повторно ја скрати косата на пикси должина, слична на онаа што ја направи во 2010 година по завршувањето на снимањето на филмот за познатиот волшебник.
Иако оваа фризура со ултра кратки шишки не би одговарала на сите, Ема навистина знае како да ја носи. Во портокалов фустан, со црн ајлајнер и впечатливи обетки со логото на Prada, Ема го претстави новиот парфем на италијанскиот бренд, чиј дизајн се уште не е откриен.
Сепак, оваа кампања не е само уште една реклама за убавина бидејќи зад неа се крие посебна приказна. Имено, кога Prada ја замолила да учествува во кампањата, таа прашала дали може и таа да ја режира. Бидејќи Ема се залага за одржливост, правата на жените и е амбасадор на добра волја на ОН, таа многу внимателно размислува за тоа кои соработки ќе ги прифати.
„Прада отсекогаш ги надминувала традиционалните модели и архетипови на замислена убавина и е позната по женственоста што ја предизвикува конвенцијата. Задоволство е да се создаде кампања и да се претстави мирис со толку длабок филозофски концепт и иницијативи за одржливост на начин што навистина се чувствува реално и релевантно“, рече Ема во соопштението за печатот обезбедено од Page Six.
Во новата кампања, како што напиша Prada, Ема го крши традиционалниот калап за „муза“ за да ја раскаже сопствената приказна и да ја прослави секоја нејзина димензија. „Нашата муза е повеќе од муза. Повеќе од лице. Повеќе од совршено олицетворение на жената Prada. Таа е олицетворение на женската модерност, прослава на женската мултидимензионалност ширум светот“.
