Едноставен начин да привлечете внимание – блејзери во неонски бои

Неонски нијанси, сјајни отпечатоци, нагласени рамена – колекциите пролет/лето не оставаат сомнеж за враќањето на 80-тите.

Многу трендови од 80-тите се појавија во последните сезони – и на пистата и надвор од неа: Марк Џејкобс ги потенцираше рамената, Gucci го врати сјајот, а Tom Ford и JW Anderson додадоа пердуви на облеката. Celine, Louis Vuitton и Max Mara се едни од многуте брендови кои исто така претставија облека што е инспирирана од осумдесеттите години, а неон стилот, изгледа, еднакво популарен како и секогаш.

Особено се издвојуваа машки блејзери со масивни раменици. Овие парчиња облека нема да ги сакаат сите, но најхрабрите ќе се осмелат да експериментираат со модата.

Девојка во светло розева, кобалт сина или зелен блејзер дефинитивно нема да остане незабележана – во секој случај.

Сите брендови ја лансираа совршената облека за забава – можеме само да се надеваме дека социјалниот живот конечно ќе се опорави. Во меѓувреме, погледнете ги неонските блејзери во галеријата – избравме неколку модели во достапни флуоресцентни нијанси.