Ева Лонгорија обожава да експериментира со модата, и привлекува внимание на црвениот тепих во класични фустани, но и во лежерни комбинации.
Фоторепортерите ја снимиле во подоцнежно издание на улиците на Лос Анџелес, а тоа изненади многумина. Најголемата љубителка на штикли не само што ги замени своите високи потпетици со чизми до глужд, со рамен ѓон, туку ги спои со сини чорапи украсени со фигурата на нејзиниот син.
Откако Ева Лонгорија стана мајка на Сантијаго Енрике во 2018 година, таа ретко се разделува од него – дури го носи со себе на сетови холивудски серии и филмови во кои глуми, односно кои ги режира или продуцира. Но, кога е разделена од Сантијаго, таа сака да има барем малку потсетување за него со себе.
Гордата мама спои чизми до глужд и персонализирани чорапи со црни хеланки кои ја истакнуваа нејзината фит фигура и преголема маица. Изданието го заврши со кафеава чанта Хермес, очила за сонце, но и заштитна маска за лице без која е забрането шетање по улиците на Лос Анџелес, но и на остатокот од светот.
