Бидејќи летните денови полека се приближуваат и ни го откриваат нивното вистинско лице со високи температури, имаме се поголема желба за оскудна облека и тренди летни додатоци…
Како што знаете, секоја сезона со себе носи нови трендови кои вреди да се испробаат, но има и такви модни хитови кои се чини дека се вечни. Една од нив е сламената шапка – секогаш кога првите зраци на сонцето ќе не стоплат, сонуваме да се скриеме под сламената шапка со нашиот омилен освежителен коктел во рака, на некоја егзотична дестинација.
Ова лето, можноста да ги носиме омилените шапки на најдобар можен начин ни ја дава украинскиот бренд Ruslan Baginskiy, кого го обожаваат познати личности како Бела Хадид. Познатиот бренд штотуку претстави нова серија креации за оваа сезона, кои вклучуваат практично сè – од големи димензии на силуети до шик стилови, а колекцијата ја фотографираше славниот фотограф Хенрик Пуријен.
Именувана како Summer Escape, новата колекција го истражува вистинското значење на летото. Канализирајќи го сопственото толкување на зборот, Пуријен ги фотографирал новите шапки на плажа, базени и други места. Кога станува збор за стиловите, најмногу се истакнува предимензионираниот модел, како и оној креиран во форма на качкет.
Седнете, прегледајте ги сликите од кампањата и оставете ја топлината на летот да ве плени.
