Накитот кој има богата историја често се продава за висока цифра на аукција. На сличен начин, по огромна цена од над 8 милиони долари се продадени дијамантските нараквици на француската кралица Марија Антоанета, од страна на аукциската куќа Christie’s.
Ексклузивните нараквици, наводно, биле во сопственост на семејството Марија Антоанета повеќе од 200 години и биле продадени на анонимен клиент во вторникот (10.11.2021). Парот нараквици беа проценети меѓу 2 и 4 милиони долари, но на крајот се продадени за двојно поголема сума.
Коментирајќи за продажбата, Франсоа Сирил, претседател на аукциската куќа Christie’s, во изјавата додаде: „Овие нараквици патуваа низ времето за да ја раскажат најважната ера од француската историја, со нејзиниот гламур, слава и драма“.
Аукциската куќа понатаму изјавила дека „вонредните нараквици“ се единствениот примерок што вклучува дијаманти што и припаѓаат на Марија Антоанета и дека тие го задржуваат точниот дизајн „опишан“ во пописот на нејзиниот имот од 1794 година.
Од која страна и да погледнете, да можете да поседувате дел од историјата од некој за кој можете да читате во книгите е толку моќно. Ако не можете да направите историја, тогаш следната најдобра работа е да поседувате дел од неа.
Исклучителните парчиња накит вклучуваат 112 дијаманти поставени на три прамени по нараквица. Тие се уредно сместени во сини плишани кутии со натпис „бразлетна на кралицата Марија Антоанета“.
Според Christie’s, парот нараквици се продадени за 6,8 милиони долари, но со дополнителни провизии и надоместоци, вкупната цена се зголеми на 8,18 милиони долари.
