Брижит Макрон допатувала до францускиот град Ангулем за да учествува на 14-тиот Фестивал на француски и франкофонски филм. Годинешното издание на фестивалот, започнато од Мари-Франс Бриер и Доминик Беснехард, е посветено на алжирската кинематографија.
Француската прва дама цел ден се дружела со организаторите, гледала неколку филмови, а потоа учествувала на тркалезна маса.
На фестивалот дошла во нејзината стандардна аутфит комбинација за вакви пригоди. Тесните „skinny“ фармерки ги комбинирала со бела кошула, сако и чанта во иста боја. Кога станува збор за обувки, одбрала класична салонка.
Меѓутоа, откако направила брзо позирање пред собраните фоторепортери и неколкуте дадени интервјуа со новинарите, таа сепак ги променила чевлите за да го помине остатокот од денот во нешто поудобно.
Нејзината промена секако била забележлива, во бели патики на модната куќа Louis Vuitton, кои веќе ги носела во неколку наврати. Можеби за некои оваа промена би била премногу случајна со оглед на нејзината функција и прилика, но Брижит уште еднаш ни покажа дека има простор за патики и во деловната мода.
На некои работни места, постојат строги правила за облекување кои не дозволуваат носење секојдневна облека и обувки. Затоа многу компании воведоа „casualy Friday“, опуштен петок, еден ден во неделата кога можете да дојдете на работа поопуштено облечени.
Ова издание на француската прва дама покажува како комбинацијата на фармерки и патики може да функционира одлично во деловни прилики, а старите правила за деловна облека можеби сепак треба да се преиспитаат.
