Дали некогаш имате впечаток дека модните дизајнери со некои парчиња само се шегуваат? Како поинаку да се објаснат парчињата облека што ги прават познати брендови, а кои изгледаат како да ги дизајнирале двегодишни деца?
Како пример за оваа теза, приложуваме нов џемпер Луј Витон од кој висат дури 14 плетени кукли.
Зошто возрасните би носеле вакво нешто, за нас е целосна мистерија. Каде се овие луѓе со животински кукли на облеката? Не ги гледаме низ градот…
Она што особено ги налути корисниците на социјалните мрежи е цената на овој необичен џемпер. Имено, се продава за неверојатни 8100 долари!
Еден корисник на Твитер напиша дека може да го изработи за 25 долари, додека друг рече дека е можно да се создаде за 10 долари. Сите сепак се согласуваат за една работа, а тоа е дека џемперот изгледа многу грдо, без оглед на цената по која се продава.
Што мислите? Дали би носеле вакво нешто на себе или ќе се држите до класичните парчиња облека?
