Брендот Moncler, познат по своите парчиња висока мода, претстави многу необична венчаница со цена од 22.150 долари…
Британскиот дизајнер Крег Грин си постави предизвик да протолкува јакна од пердув како дел од проектот, па тврди дека оваа венчаница била инспирирана од сонливоста. Дали успеал во тоа или не, проценете сами, но мора да признаеме дека единствениот сонувачки дел поврзан со овој фустан е фактот дека неодоливо не потсетува на вреќа за спиење.
Во официјалниот опис на фустанот стои: „Најлонскиот екстериер на фустанот доби познат лакиран финиш, додека самиот фустан беше исполнет со лесни пердуви, за потоа да се добие форма со помош на корсет и целосно здолниште, со рабови и дезени потпишани од Лиа Кебеда“.
Не ви треба навистина чувство за мода за да разберете на прв поглед дека нешто не е во ред со овој фустан, а критиките кон модната јавност се токму такви. Многу корисници на социјалните мрежи ја споредуваат со вреќа за спиење која чини само 18 долари, додека некои тврдат дека би било идеално како облека за негативци од филмското студио Дизни.
