Комбинирајќи го нивното наследство и креативните кодови, Адидас и Гучи ги здружуваат силите и претставуваат нова ексклузивна колекција.
Потврдувајќи ја веста, Адидас во соопштението додаде: „Gucci и Аdidas Originals потврдуваат дека ги здружуваат силите во нова соработка – Аdidas x Gucci – која ги комбинира наследството и креативните кодови на двата бренда“.
Слична изјава споделена на социјалната мрежа Инстаграм даде и брендот Гучи: „Ви претставуваме #АdidasxGucci. Познатите силуети ги исполнуваат комбинираните креативни кодови на @adidasoriginals и брендот Gucci, создавајќи нешто сосема ново „додека се истакнува со ново заедничко лого“.
Објавата претставува крем јакна со двојно копче и џеб на градите со натпис во сина боја. Беа претставени и црни ракавици со бело лого и познатите пруги на Адидас исто така во бела боја, како и пар мокасини со потпетици со златно лого на Гучи на левата нога и златен натпис на Адидас на десната страна.
Други парчиња од соработката неодамна беа претставени на ревијата на Гучи есен/зима 2022 претставена во Милано. Заедно со кожни ракавици, плетена спортска капа, костуми по мерка и многу повеќе, колекцијата Аdidas x Gucci сигурно ќе вреди да се чека!
