Грчката принцеза Олимпија го посети Париз за да ја игра улогата на главниот јунак во новата кампања на Louis Vuitton Capucines…
Новата сезона ни претставува освежени бои и варијации на овој познат модел. Фотографирана од Микаел Јансон, Олимпија ни претставува чанти во маслинесто зелена, темносина и смарагд. Стилистката Изабел Кантур ги истакна и лесните палта, комбат чизми и полни здолништа на Louis Vuitton. Покрај фотографиите, принцезата се појавува и во краток филм снимен во Градот на светлината. Кога станува збор за убавината, Марк Лопез ја потпишува фризурата, додека шминката е дело на Хана Мареј. „Louis Vuitton ја избра елеганцијата на една млада благородна жена за да ги претстави своите нови чанти Capucines, кои се олицетворение на францускиот шик, истакнувајќи ги вештините на познатиот бренд“, стои во официјалниот опис на новитетот.
