Верувале или не, ние сме прилично блиску до точката кога компјутерите стануваат попаметни од човечкиот мозок…
Според една нова студија, компјутерските чипови на Tesla ќе можат да вршат повеќе операции од човечкиот мозок за нешто повеќе од една деценија, доколку продолжи да ја развива својата технологија со иста брзина. Студијата на компанијата за лизинг на автомобили Vanarama откри дека новиот микрочип D1 на Tesla успева да изврши 362 трилиони операции во секунда. За споредба, човечкиот мозок е способен за еден квадрилион (1.000.000.000.000.000) операции во секунда. Ова значи дека микрочипот D1 веќе работи со над 36% од капацитетот на човечкиот мозок.
„Овие чипови беа клучни во постојните функции за автоматско возење на Tesla, но има многу повеќе потенцијал во следната деценија“, велат од компанијата.
Tesla го претстави микрочипот D1 на настанот Ден на вештачката интелигенција минатата година. Новиот чип е дизајниран специјално за вештачка интелигенција и се тврди дека ги обработува податоците четири пати побрзо од постоечките системи, овозможувајќи му на Tesla да го доведе својот систем за самоуправување до целосна автономија. Студијата го спореди чипот D1 со компонентата Nvidia од 2016 година, која претходно ја користеше Тesla. Ванарама откри дека управува со само 12 трилиони операции секоја секунда, значително пониски од микрочипот D1. Ова укажува на неверојатни 486% годишна стапка на раст во текот на изминатите шест години. Врз основа на растот на чиповите на Tesla од 2016 до 2022 година, компанијата предвиде дека чиповите на производителот на електрични возила ќе бидат поинтелигентни од човечкиот мозок до 2033 година.
„Не би било лудо да веруваме дека технологијата ќе стане значително попаметна од луѓето во нашиот живот“, рече Ванарама. „Микрочиповите моментално се способни да работат на начинот на кој функционираат мозочните синапси, а истражувачите развиваат чипови кои се инспирирани од начинот на кој функционира мозокот“.
Студијата исто така тврди дека на Тesla ќе му бидат потребни само 17 години за да го достигне нивото на зрел човечки мозок од почетокот на неговиот развој, многу порано од вистинскиот човечки мозок, на кој му требаат 25 години да созрее. Маск со години ги предупредува сите за опасностите од роботите со вештачка интелигенција. Тој предвиде и апокалиптични исходи како во „Терминатор“. Сепак, Tesla сега развива прототип на хуманоиден робот наречен „Tesla Bot“.
