Ако сте љубител на јапонската кујна и не можете да го издржите животот без редовна доза суши, имаме одлични вести за вас…
Служејќи деликатеси на своите клиенти, ресторанот во Токио, Sushi Singularity, е подготвен да го понуди првото 3Д печатено суши. Овој ресторан, кој е поддржан од стартап компанија наречена Open Meals, ќе користи револуционерни техники, односно машина за производство на храна, оперативен систем и систем за здравствена идентификација, со цел да им понуди на своите клиенти целосно ново суши. Делови ќе бидат отпечатени во 3Д и во согласност со здравствените потреби на секој клиент.
Кога гостите ќе резервираат, ресторанот ќе им испрати комплети за здравствено тестирање на нивната адреса, а во зависност од ДНК анализа, анализа на урина и цревна флора, секој гостин ќе добие свој индивидуален здравствен личен документ. Користејќи ги овие податоци, состојките на секоја порција ќе бидат оптимизирани, ќе се формираат хранливи материи и машината за производство на храна ќе добие инструкции за каков вид суши да се печати.
Засега, Sushi Singularity нуди осум концептуализирани модели во своето мени, кои се состојат од: ‘Cell Cultured Tuna’, ‘Powder Sintered Uni’, ‘Negative Stiffness Honeycomb Octopus’, ‘Oze Tick Kappe Roll’, ‘Anisotropic Stiffness Steamed Shrimp’ , ‘Squid Castle’, ‘Micro Pillar Saltwater Eel’ и ‘Dashi Soup Universe’.
Ресторанот се очекува да ги отвори вратите во Токио до крајот на оваа година.
Погледнете како тоа би изгледало:
