Hilton Hotels ќе испише историја со футуристички планови благодарение на партнерството со компанијата за истражување на вселената Voyager Space.
Hilton Hotels треба да дизајнира астронаутски апартмани за вселенската станица која ќе ја замени застарената ISS. „Starlab ќе биде повеќе од дестинација, тоа ќе биде искуство кое ќе биде единствено со вметнување на иновации, експертиза и глобален дострел на тимот на Hilton Hotels “, рече Дилан Тејлор, претседател и извршен директор на Војаџер Спејс во соопштение за медиумите.
Не е важно дали сте на Земјата или во вселената, американскиот угостителски гигант ќе го направи вашиот престој удобен и незаборавен.Hilton Hotels , всушност, не е непознат за вселената – во 2020 година стана првиот угостителски бренд кој учествуваше во истражувањето на Меѓународната вселенска станица (ISS) – астронаутите ја искористија првата вселенска печка во светот за да ги испечат познатите колачиња DoubleTree by Hilton додека беа во вселената во орбитата, и овие колачиња станаа првата храна печена во вселената.Starlab е една од четирите приватни вселенски станици што се развиваат преку комерцијалната програма за дестинации LEO на НАСА, која бара замена за ISS откако ќе се повлече во 2030 година.
Voyager i Hilton се фокусирани на создавање иновативни решенија за иднината на човештвото и ова партнерство отвора нови врати за она што е можно кога станува збор за истражување на вселената и живеење фокусирано на удобност. Хилтон ќе остави свој белег не само во добро уредените апартмани на Starlab, туку и во заедничките простории. Синџирот хотели соопшти дека сака „повторно да го осмисли човечкото искуство во вселената, правејќи го продолжениот престој поудобен“.
Делот на Хилтон од проектот Starlab ќе се занимава со сместување на екипажот и заеднички области, а како што е откриено досега, Starlab ќе има простор за најмногу четири астронаути истовремено. И додека Starlab најверојатно првично ќе се користи од професионални астронаути, идејата за вселенски туризам не е исклучена.
„Со децении, откритијата во вселената позитивно влијаеја на животот на Земјата, а сега Hilton ќе има можност да ја искористи оваа единствена средина за да го подобри искуството на гостите каде и да патуваат луѓето“, рече Крис Насета, претседател и извршен директор на Hilton, во изјавата. „Оваа значајна соработка ја нагласува нашата длабока посветеност да ја шириме светлината и топлината на гостопримството и да обезбедиме пријателски, сигурен престој – без разлика дали е на земјата или во вселената.
Voyager очекува Starlab да биде оперативен веќе во 2027 година, иако вселенските програми се познати по доцнење.
