Фејсбук ги објави податоците како дел од шестиот извештај за усогласеност со стандардите на однесување на социјалната мрежа, воведен во 2018 година, заедно со построги правила за пристојност по критиките дека е блага во контролирањето на содржината на своите платформи.
Во вторникот објавиле дека отстрани седум милиони објави во второто тримесечје од оваа година за споделување лажни информации за новиот коронавирус, вклучително и содржина за промовирање на лажни превентивни мерки и лекови, пренесе Ројтерс.
Фејсбук соопшти дека ќе покани надворешни експерти самостојно да го верификуваат извештајот, почнувајќи од 2021 година. Оваа социјална мрежа отстрани околу 22,5 милиони објавувања на говор на омраза на својата апликација во вториот квартал од оваа година, што претставува зголемување од 9,6 милиони во првиот. Тие, исто така, избришале 8,7 милиони мислења поврзани со екстремистичките организации, што е за 6,3 милиони во претходниот период.
Притоа, тие повеќе се потпирале на вештачката интелигенција во текот на април, мај и јуни бидејќи имало помалку вработени во канцелариите поради пандемијата на коронавирус.
