Модниот бренд повика на солидарност и донации за погодените од војната во Украина.
„Го чуваме мирот и донираме на WFP за да придонесеме за првата хуманитарна помош за украинските бегалци. Ќе ги користиме нашите платформи во наредните денови за да пренесеме информации за ситуацијата во Украина. Кликнете на линкот и донирајте сега.“ – моментално е единствената објава на Инстаграм профилот на брендот Balenciaga.
Профилот на Balenciagа го следат речиси 13 милиони луѓе на Инстаграм, а тие ги избришаа сите свои претходни објави со цел целосно да ја посветат својата платформа на ситуацијата во Украина и да им помогнат на погодените од војната. Ова не е прв пат Balenciaga да ги брише сите свои публикации, но првпат го прават тоа за да ја подигнат свеста и да им помогнат на жртвите од војната во Украина.
Отсега, нивниот профил ќе известува за теми поврзани со војната во Украина и можните начини за помош. Тие на својот профил ставаат линкови до Светската програма за храна, повикувајќи на донации.
WFP организира итна операција за обезбедување храна за луѓето кои бегаат од војната, во Украина и во соседните земји, по официјалното барање на украинската влада, според нивната официјална веб-страница.
Повеќето од луѓето кои бегаат од границата со Полска се жени и деца, некои чекаат и до 40 часа на температури кои можат да паднат до -2. WFP известува дека залихите на храна се при крај, а полиците во продавниците се речиси празни. Недостатокот на храна ќе биде уште еден предизвик за жителите на Киев, од кои многумина се засолниле на станиците на метрото.
На организацијата ќе и треба секаква можна помош за да може да обезбеди доволно храна за луѓето погодени од војната, а повлекувањето на Balenciaga секако ќе придонесе за тоа.
