Adidas ќе го продаде инвентарот на Yeezy и ќе ги донира средствата во добротворни цели.
Adidas конечно сфати како точно да управува со залихите на Yeezy од 1,2 милијарди евра што се наоѓаа во неговите магацини, откако компанијата ги прекина врските со основачот на брендот, Канје Вест, и ги заврши активностите за брендот Yeezy во октомври 2022 година.
По разгледувањето на различни опции, на годишниот состанок на компанијата во четврток, 11 мај, извршниот директор Бјорн Гулден им кажа на инвеститорите дека Adidas ќе започне со продажба на преостанатите производи на Yeezy и ќе ги донира приходите во добротворни цели.
#adidas will resume selling #YEEZY products.
— HYPEBEAST (@HYPEBEAST) May 11, 2023
Part of the proceeds will be donated to international organizations with #Ye being entitled to 15% commission on all sold goods. pic.twitter.com/m5NCsUea4Q
Гулден појасни дека приходите ќе бидат наменети за организации кои застапуваат луѓе кои биле „повредени“ од коментарите и однесувањето на Канје Вест. Освен на големо, Адидас планира и продажба на поединечни делови од инвентарот Yeezy, иако сите детали се уште не се разработени.
Прекинот на соработката меѓу брендовите Adidas и Yeezy настана поради повеќекратните антисемитски изјави на Канје Вест. Оттогаш, компанијата се соочува со осакатени загуби. Во четвртиот квартал, приходите на германскиот бренд за спортска облека паднаа за 1% во валутна неутрална смисла на 5,2 милијарди евра, што одразува негативно влијание од околу 600 милиони евра поврзани со бизнисот со брендот Yeezy. Голден дури забележа дека растот на продажбата во првиот квартал би бил за 9% поголем доколку не се случеше проблемот со Yeezy.
Говорејќи со аналитичарите минатиот квартал, Голден беше искрен за можните опции за брендот Yeezy. Тој тврдеше дека продажбата на производот потенцијално може да помогне да се зголеми продажбата, но исто така ќе претставува „ризик за репутацијата“ за поради повторуваните антисемитски изјави на Вест во јавноста.
Треба да се напомене дека Adidas претходно соопшти дека размислува за ребрендирање и продажба на постоечките производи на Yeezy под друга марка за да ги ублажи загубите.
The discontinuation of Yeezy sales caused a $441 million revenue drop in the first quarter.https://t.co/b3Xf7I6nG0 pic.twitter.com/vEtMbKEIti
— Forbes (@Forbes) May 5, 2023
„Тоа е едната страна“, рече Гулден. „Другата страна е да ги запалиме или правиме сè што е потребно за да ги уништиме и ги нема, но потоа има друг проблем“, рече тој, објаснувајќи дека овој потег ќе ги налути луѓето кои сметаат дека уништувањето на производите е „поткопување на одржливоста“. Беше разгледана и идејата Adidas едноставно да ги донира сите непродадени патики во добротворни цели.
Adidas is stuck with $1.3 billion worth of unsold Yeezy shoes after cutting ties with Kanye West, and is not sure what to do with them 👀👟 pic.twitter.com/8TPh9N62rh
— Daily Loud (@DailyLoud) May 9, 2023
Во разговорот со инвеститорите, Гулден не именуваше конкретни добротворни организации. Исто така, не е јасно дали ќе бидат доделени сите или само дел од приходите. Очигледно доаѓаме до крајот на драмата, но чекаме да видиме како ќе се развие епилогот кој сега се пишува.
