Пандемијата на коронавирус предизвика зголемен интерес на богатите и елитата да избегаат и да се изолираат на островите, така што има зголемена побарувачка за нивно купување.
Маи, остров на Фиџи, со своите беспрекорни плажи, корални гребени и 32 хектари бујни тропски градини, е идеално место за да се избега од реалноста и пандемијата.
На пазарот чинеше нешто повеќе од четири милиони долари, а е еден од многуте острови што се продаваат на супер богатите.
Јужниот Пацифик, Карибите и оддалечените делови на Соединетите држави и Европа се меѓу најпопуларните дестинации, велат агентите за недвижнини, кои го следат зголемувањето на побарувачката за приватни скривалишта, дури и кога глобалната економија влегува во длабока рецесија, пренесува SEEbiz.
Сепак, не само тропските острови со убави плажи се привлечни за богатите. Мистериозен купувач неодамна го купи Horse Island, 157 хектари приватно засолниште долж југозападниот брег на Ирска, за 5,5 милиони евра. Покрај големата главна вила, Коњскиот остров има шест куќи за гости, тениско игралиште, хелипорт и изобилство простор за најразлични авантури.
- „Очигледно, желбата на луѓето – особено оние кои можат да си го дозволат овој мултимилионски имот – е едноставно да се повлечат од оваа лудница“, рече Калум Беин, геодет и агент за недвижнини кој помогна во продажба на островот.
Тој рече дека не ги знае плановите на купувачот, но напомена дека Horse Island претходно бил познат за земјоделство – што значи дека новиот сопственик ќе може да одгледува доволно храна ако сака.
Сепак, неговата позиција во близина на аеродромот во блискиот град Корк беше привлечна и за сите што имаат пристап до приватен авион, додаде тој.Но, Ковид-19 претставува комплексен предизвик за патување за потенцијалните купувачи кои би морале да се преселат на море, вклучително и оние кои имаат сопствен авион.
Некои земји ги затворија своите граници кон нерезидентите, па затоа физичките посети во некои случаи се невозможни за потенцијалните купувачи на островите.
Новиот сопственик на Horse Island го купи островот по видео-турнеја.
„Неодамна продадовме неколку поевтини острови во Скандинавија и Канада на купувачи кои гледаа само фотографии од имотот“, рече Фархад Влади, германски претприемач кој за Фајненшал Тајмс изјави дека во својата 50-годишна кариера продал повеќе од 3.000 острови.
Но, поскапите острови, вели тој, повеќето сакаат да ги посетат пред да ги купат.
Тој нагласи дека да се има свој остров не е толку нереално како што мислите. „Не мора да бидете милијардер за да купите остров. Ако можете да си дозволите подобар автомобил, можете да купите остров“, рече тој.
На пример, еден мал остров крај брегот на Финска неодамна беше продаден за помалку од 100.000 евра. На другиот крај на скалата е грчки остров со површина од 1.100 хектари во Јонското Море, кој чини 45 милиони евра.
Агентите велат дека приватните острови во земји кои ја избегнале најлошата пандемија докажуваат популарност кај потенцијалните купувачи, додека Австралија, Нов Зеланд и островите на Јужен Пацифик остануваат релативно заразени.
Pumpkin Island, остров во маринскиот парк Great Barrier Reef во Австралија, кој моментно се продава за 24,6 милиони долари, сегашните сопственици го опишуваат како „безбедно засолниште“ од пандемијата.
„Ние добро се справивме со невремето [Ковид-19] и луѓето во моментов бараат места за да имаат место за себе, не грижејќи се за инфекцијата“, рече Лорет Румбли, чие семејство е сопственик на островот, за ФТ.
Семејството го купиле Pumpkin Island пред 17 години за 1,3 милиони долари од претходниот сопственик, кој го освои во 1961 година на покер.
