Еден од најпознатите пара патики на Мајкл Џордан се очекува да достигне рекордна цена на аукцијата на Sotheby’s следниот месец. Ер Џордан XIII што го носеше легендата на НБА за време на неговата позната сезона „Last Dance“ ќе се најде на аукција на почетокот на април.
Всушност, покрај последната сезона со Чикаго Булс, Џордан ги носеше патиките и за време на финалето на НБА во 1998 година, поради што експертите проценуваат дека конечната цена што би можеле да ја добијат на претстојната аукција би достигнала 4 милиони долари.
One of the most significant items from Michael Jordan’s entire career is coming to auction: his 1998 NBA Finals Game 2 Air Jordan 13s from his final year with the Chicago Bulls, a season made famous by ‘The Last Dance’.
— Sotheby’s (@Sothebys) March 14, 2023
Bidding opens 3 April. Learn more: https://t.co/ca9re41beL pic.twitter.com/tyQvAPiawc
Чевлите на аукција се пар од „Bred“ (црно-црвено) Ер Џордан XIII што Џордан го носеше на натпреварот 2 од финалето против Јута Џез. Според аукциската куќа Џордан веднаш по натпреварот ги потпишал патиките и му ги дал на помошникот на теренот, кој бил задолжен за одржување на соблекувалната.
Air Jordan XIII можеби не се најпознатите патики на Џордан, но се очекува да стане најскапиот пар патики продаден на аукција доколку понудата достигне граница од 4 милиони долари. Рекордот моментално го држи пар Nike Air Ships што ги носеше Мајкл Џордан на официјален натпревар во НБА, продадени од Sotheby’s за 1,5 милиони долари во 2021 година.
Патиките „Air Jordan XIII “ се дел од онлајн аукцијата Victoriam на Sotheby’s,која ќе трае од 3 до 13 април. Повеќе информации за аукцијата можете да најдете на веб-страницата на Sotheby’s.
