Обично куќичките за кучиња чинат многу помалку од обичната куќа, но овој пат, се разбира, тоа не е случај …
Оштетените предмети најчесто се продаваат по втора цена. Сепак, докажувајќи дека тоа не е секогаш така, имаме неверојатна вест за кучешка куќа со дупка која е подготвена да се најде на аукција за многу повеќе од првобитната вредност. Ако се прашувате зошто – тоа е затоа што оваа куќичка е оштетена од метеорски дожд во април 2019 година. А станарот на куќичката, германски овчар по име Роки, за среќа не е повреден за време на инцидентот, иако „кутрето“ било преплашено од настанот.
Сопствениците од Костарика кои ја чуваа дрвената и лимената конструкција сега се подготвени да ја продадат по висока цена. Аукциската куќа Кристи потврди дека е домаќин на аукција која ја вклучува и куќичката за кучиња од Костарика. И додека куќата се очекува да достигне 200.000-300.000 долари, нејзината највисока понуда досега е 1.600 долари.
За 600.000 долари се продава и метеоритот кој ја погоди кучешката куќа. Тој е направен од карбонат хондрит и е покриен со фузионирана кора што произлегува од неговото огнено нурнување низ атмосферата на Земјата. Според аукциската куќа Кристи, карпата има и регмаглипти или вдлабнатини во форма на палец, фрактури кои откриваат CAI (калциум-алуминиумски подмножества), кои се најстарата материја што човештвото може да ја допре, како и знаци на ударно слетување.
Коментирајќи за продажбата, Џејмс Хислоп, шеф на Одделот за наука и природна историја на Кристи, изјави: „Ова е навистина возбудлива аукција и можност за колекционерите. Метеоритите се неверојатно ретки објекти; вкупната тежина на сите познати метеорити е помала од годишното производство на злато“.
