Јакната што ја носеше астронаутот Баз Олдрин на летот на Аполо 11 стана најскапиот вселенски предмет продаден на аукција!
Познатата јакна достигна „астрономска“ цена од 2,8 милиони долари на аукцијата на Sotheby’s одржана оваа недела во Њујорк, станувајќи највредниот предмет во својата категорија, по интензивната десетминутна „тепачка“ меѓу заинтересираните страни.
Иако името на купувачот останува непознато, според аукциската куќа, цената „лесно“ ја надминала проценката на експертите кои очекувале јакната да се продаде меѓу милион и два милиони долари.
Пред почетокот на аукцијата, самиот Баз Олдрин на својот личен профил на Твитер објави објава поврзана со патување кое се случило пред 53 години.
53 years ago, we embarked on a journey of immeasurable magnitude and promise, when Neil Armstrong, Michael Collins and I launched on #Apollo11. There was risk and uncertainty, but we had the best ground support, and as a team, we successfully launched and we’re headed to the moon pic.twitter.com/lKqJvnrA6H
— Dr. Buzz Aldrin (@TheRealBuzz) July 16, 2022
Да се потсетиме дека претходниот рекорд за највреден предмет што се нашол во вселената беше „месечевата вреќа за прашина“ на Аполо 11, која беше продадена за 1,8 милиони долари во 2017 година.
