Животот за некого мајка, за друг маќеа… и тоа е поговорка која сите добро ја знаеме или барем еднаш сме ја употрбиле …
Случајот со еден Русин, кој стана милионер преку ноќ со едноставна банкарска грешка, докажува дека животот може да биде суров и дарежлив истовремено. Триесет и петгодишниот Роман Јурков добил 95,2 милиони рубли, или 1,3 милиони долари по техничка, дигитална грешка. Што би направиле ако се разбудите со милион долари на вашата сметка? Како и многумина од нас, Јурков урлал од среќа, па отишол на шопинг – купил стан, автомобил и iPhone. Тој се јавил во банката за да провери дали сè е во ред пред да се фрли во трошење, а кога добил потврда од нив, очигледно не можел да запре.
Оваа банкарска грешка ја искористил на најдобар можен начин, па ги повлекол парите и отишол во шопинг. Ноќта помеѓу 31 мај и 1 јуни, Јурков направил 220 одделни трансакции, а четири апартмани, нов iPhone, BMW и Mercedes биле на списокот за купување. Јурков тврди дека бил во редовен контакт со банката со цел да се осигури дека сè е во ред со неговата сметка, што го потврдиле и службениците на банката.
На крајот, неговата сметка, која содржела 39 милиони рубли, или околу половина милион долари, стана замрзната, а Јурков бил уапсен следниот месец. Судот го прогласил Јурков за виновен и го осудиле на шест години затвор. Од друга страна, овој случаен милионер тврди дека е невин и дека е направена грешка во банкарскиот систем.
