Според аукциската куќа, тој бил продаден на анонимен купувач во Манчестер.Автомобилот на принцезата Дијана е продаден за 737.000 фунти или 869.000 евра. Како што соопшти аукциската куќа Silverstone Auctions, оваа продажба била организирана непосредно пред 25-годишнината од нејзината смрт.
Ford Escort RS Turbo од 1985 година беше продаден на неименуван купувач во Манчестер.
Принцезата Дијана го возела овој автомобил низ Лондон, но секогаш во придружба на телохранители.
Да потсетиме, Лејди Ди загина во сообраќајна несреќа во Париз пред 25 години кога почина и нејзиниот вереник Доди Ал Фаед. Единствениот преживеан е телохранителот Тревор Рис Џонс.
Дијана беше сопруга на принцот Чарлс со кој ги има синовите, принцовите Вилијам и Хари.
