Биткоинот скокна над 60% од почетокот на годината, додека порасна над 300% во минатата година.
Оваа година беше полна со позитивни вести за најважната криптовалута. Институционалните инвеститори и компании се повеќе го поддржуваат биткоинот. Тесла го поттикна скокот на цената кога објави претходно оваа година дека инвестирал 1,5 милијарди долари во биткоин.
Компанијата за картички Mastercard објави дека планира да поддржи крипто-валути на својата платформа оваа година. Apple во февруари објави дека Apple Pay исто така ќе поддржува плаќање на биткоин на платформата. Аналитичарите веруваат дека ако сите компании го прифатат биткоинот како средство за плаќање, растот на оваа дигитална валута ќе биде незапирлив.
Coinbase, најголемата платформа за тргување со крипто-валути, планира да ги понуди своите акции за тргување за прв пат оваа година, што исто така може да ја поддржи цената на криптовалутите. Проценетата вредност на Coinbase е околу 100 милијарди долари.
Многу инвестициски банки веруваат дека биткоинот ќе продолжи да расте. JP Morgan предвиде раст на биткоинот до 146.000 долари во февруари. Извршниот директор на Kraken, Џеси Пауел, изјави за Bloomberg дека очекува биткоинот да порасне на 1 милион долари во следните 10 години. Kraken е водечка платформа за тргување со биткоин, така што оваа прогноза не може да се смета за најобјективна.
Некои инвеститори сè уште се загрижени и го сметаат биткоинот за финансиски балон, додека некои аналитичари се загрижени за високата нестабилност на цените. Deutsche Bank верува дека биткоинот ќе остане „многу нестабилен“ поради ограничените можности за тргување, додавајќи дека големите набавки или продажби би можеле значително да го нарушат балансот на понудата и побарувачката за криптовалутата. Други опасности се однесуваат на конкурентските дигитални валути што би можеле да го турнат биткоинот во позадина. Европската унија и ECB ќе ја разгледаат идејата за воведување дигитално евро.
И покрај овие ризици, се поголем број институционални и индивидуални инвеститори инвестираат на пазарот за криптовалути, и засега, подемот на биткоинот изгледа непоколеблив.
