Бил Гејтс е најпознат како ко-основач на Мајкрософт, а многумина не знаат за фактот дека тој е најголемиот земјопоседник во Соединетите Американски Држави, со приближно 269.000 хектари во десетици држави.
Тоа портфолио штотуку се прошири за 2.100 хектари првокласно обработливо земјиште во Северна Дакота. Неодамнешното купување на фарма за компири во вредност од 13,5 милиони долари предизвика бес кај жителите на Северна Дакота.
Државниот обвинител ја истражи продажбата на земјиштето и даде соопштение во кое се вели дека трансакцијата е во согласност со законот за земјоделство. Според извештаите, законот гласи: „Корпорациите се изземени од забраната за сопственост доколку земјиштето е неопходно за станбен или комерцијален развој; поставување згради, постројки, објекти, индустриски паркови или слични деловни или индустриски цели на корпорација или друштво со ограничена одговорност.
Зошто ко-основачот на Мајкрософт е склон да купува обработливо земјиште?
Поседувањето хектари и хектари обработливо земјиште кога не сте земјоделец може да биде вознемирувачко од очигледни причини. Бил и Мелинда Гејтс имаат најголеми имоти во Луизијана (69.071 хектари), Арканзас (47.927 хектари), Небраска (20.588 хектари), Аризона (25.750 хектари) и државата Вашингтон (16.097). Дури и ако Гејтс сака земјоделство, не му треба повеќе земја од 17 Менхетен заедно за да го докаже тоа. Во дискусија на Редит, Гејтс тврдеше: „Тоа не е поврзано со климатските промени“. Одлуката, како што рече, дошла од неговата „инвестициска групација“. Каскад инвестмент, фирмата што ги презема овие аквизиции, го поддржува одржливото земјоделство.
Во 2008 година, Фондацијата Бил и Мелинда Гејтс објави 306 милиони долари за зголемување на приносите и приходите на малите фармери во Африка и „другите делови од светот во развој за да можат да се извлечат себеси и своите семејства од глад и сиромаштија. ”
Исто така, треба да се напомене дека Гејтс поседува најмногу земјоделско земјиште во Америка, а титулата најголем земјопоседник му припаѓа на Џон Мелоун, кој поседува над 2,2 милиони хектари земја во Америка.
