Славниот емират наскоро ја претстави својата најнова луксузна понуда – тоа се чевли украсени со дијаманти, кои чинат неверојатни 19,9 милиони долари. Овие чевли го срушија рекордот и станаа најскапи во светот, и истовремено добија и највисок ранг во Гинисовата книга на рекорди.
Наречени „Moon Star Shoe“ ги креираше италијанскиот дизајнер, Антонио Виетри. Тие носат 30 карати дијаманти, заедно со мало парче железо метеорит Кампо дел Цело, кое беше откриено во Аргентина во 1576 година. Мултимилионските високи потпетици носат почит на Бурџ Калифа, бидејќи секој од нив содржи мини модел на оваа зграда во рамките на својата структура од чисто злато.
Овој пар чевли беше откриен како дел од настанот Made in Italy, Designed in Fashion Emirates, и веројатно може да се нарече една од најегзните креации потпишани од познатиот дизајнер.
Со екстравагантноста што ги опфаќа сите делови од нив, чевлите Moon Star Shoe е сон за сите модни познавачи и веројатно претставуваат највисок стандард кога станува збор за луксузот во светот на додатоците. Претходно, титулата за најскапи чевли во светот ја зеде креацијата потпишана од Деби Вингам, која носеше обемни розови и сини дијаманти, четири беспрекорни три-каратни бели дијаманти и 1.000 помали камења, заедно со цена од 15,1 милиони долари.
