Кој би рекол дека Роки има дарба за уредување на ентериер?
Силвестер Сталоне, е еден од најпопуларните и најуспешни актери во светот, кој има направено име за себе во светот на недвижностите, креирајќи величенствени и уникатни проекти, кои се исполнети со елегантен декор и уметност. Едно такво ремек дело, штотуку беше ставено на продажба.
Имотот сместен во Лос Анџелес, кој Сталоне го купи во 2008 година, се наоѓа во луксузниот дел од градот, а може да се купи по цена од 3.35 милиони долари. Вилата има околу 500 метри квадратни со медитерански стил, кој веројатно е поврзан со италијанското потекло на актерот.
Простран и отворен план на просторот се карактеризира со полукружни плафорни и влез и дрвени подови. Дизајниран за забава, просторот содржи угодна дневна соба со камин, пространа кујна со трепезарија, одвоена втора трепезарија која се отвора кон терасата и собата за вино.
Овде се четири спалани соби со пет купатила, а главната спална соба е смесетна на горниот спрак и претставува приказна сама за себе. Таа има телевизор кој се наоѓа над креветот, како и камин, гардеробер, предимензионирано купатило и тераса со спектакуларен поглед кон планината. Во куќата исто така се наоѓаат и слики од Сталоне, кои беа изложени во музеи и галерии ширум светот.
Самиот имот содржи и поток кој практично го сече, заедно со летна кујна, тераса, базен, спа дел и простор за логорски оган.
Спремни сте за селење?
