Козметичкиот гигант Лореал во Велика Британија започнува програма за безопасно отстранување на фрлената козметика и ќе постави канти за ваков отпад во илјада продавници.
Марката „Maybelline“ и компанијата за рециклирање „TerraCycle“ на Лореал ќе ги постават овие корпи во продавниците на големите трговски ланци, пренесува Би-Би-Си.
Лореал објави дека сака да биде водач во создавање навики за рециклирање на производи за убавина.
Меѓународната организација за заштита на животната средина Гринпис одговори дека без намалување на употребата на еднократно пластично пакување, компаниите не можат да тврдат дека прават доволно за зачувување на природата.
Потрошувачите ќе можат да ја фрлат користената козметика на која било компанија.
Потрошените маскари, сенки за очи, пудри, моливи и кармини ќе бидат дозволени во корпите, но не и шишиња со лак или аеросоли.
Собраниот отпад ќе се сортира и рециклира, така што добиената пластика може повторно да се користи.
